انت هنا في: الرئيسية المكتبة المقروءة شعر كتابي الحـــب الأخيـــر - شعر هاشم صديق

موقع الشاعر هاشم صديق

 الحب الأخير

 شعر : هاشم صديق

 الحبايب خانو فاتو

 وضيّعوني

وانتي باقية

وديمة وافية

وما بْتخوني.

تاني غيرك ما بغازل

واعبدك كل العِبادة

انتي نفسي

وبرضو رسمي

والأغاني والسَّيادة

والمعاني والشهادة

......

ولو حَصَل فارقت عينيك

ببقى حزنان

وابقى خايف

شان خُطاي عرفت دروبك

وما أظن غيرك توالف.

إلا برضو وفي غيابي

بحفر إسمك في حنيني

وفي سنيني

وفي المغارب والمشارِق

وأحكي ليك وتسمعيني

وترسُميني

قلب وافي

في المشاتل والبيارق

......

وشان بعِزك يا حبَيبة

داير أكتب استقالة

بي حروف بالحُرقة بَقّت

وضاعفت آلامها المهانة

فيها ما داير أعاتب

للأحبة الخانوا فاتوا

وبرضو ما داير أجرِّح

للزمان جوايا عاشو

وبي إيديهم برضو ماتوا.

داير أشيِّع فيها معنى الإلفة

والحب والأمانة

المعاني الفي زمنّا

إتباعدت فقدت مكانها

وأقول كمان للفاتو:-

فوتوا

ولي جروحي مع السلامة

.....

وقبل ما أختم حروف

الإستقالة

داير أبايع للغلابة

وللتعابة

وليكِ انتي

يا الحبيبة الواحدة

والحضن الأمين

العرِفت المعنى فيها

وبتّ في حُن اليقين.

.....

يا جميلة .. يامَحَنّة

يا أمينة .. يا أملنا

يا بلدنا.

 
فارماس ... هو شخصية الشاعر و المغنى
 الذى يرمز للثورة فى مسرحية نبتة حبيبتى
وهو الذى إستطاع أن يغيِّر عادة ذبح الملوك
بالشكل الإنقلابى التى كانت تتم فى
الأسطورة القديمة وفى المسرحية
على السواء...
وهو فى النهاية يرمز إلى الإبداع فى
تغيير الوعى وتفجير الثورة وتغيير
النظم السياسية المستبدة

شـــــــــــرف الكـــــــــلام

أنا المديت شراع أفكاري
  في بحر الزمان تهت
طويت الدنيا بالأفكار
محل ما تميل أكون ملت
من الغالي وعظيم القول
 كتير مديت ايدي شلت
وشان الكلمة شرف الرب
وشان الناس تحس تطرب
وقفت أنادي في الأزمان
طهارة الكلمة في الفنان
وصدق الحرف في صدقو
وحصاد اجيالنا في شتلو
ولو داس الشرف خانو
قلوب الناس تسد الباب
تعاند طبلو والحانو

إحصاءات

زيارات مشاهدة المحتوى : 1215513

المتواجدون حاليا

يوجد حاليا 14 زوار المتواجدين الآن بالموقع
{jatabs type="modules" animType="animMoveHor" style="trona" position="top" widthTabs="120" heightTabs="31" width="100%" height="auto" mouseType="click" duration="1000" module="ja-tabs" }{/jatabs}