انت هنا في: الرئيسية قالوا عن هاشــم صديــق قالوا عن هاشم صديق ( أم حنين ) - رداً علي قصيدة : الشاعر هاشم صديق - ( بين النيل وحمدالنيل )

موقع الشاعر هاشم صديق

قالوا عن هاشم :

 ( أم حنين )

رداً علي قصيدة : الشاعر هاشم صديق

  (  بين النيل وحمدالنيل )

منو القلّع جذور نخلاً 
جريدو إمتد طول 
النيل ؟ 
ومنو البمسح خطاوي 
الوجعه
( بين النيل وحمد النيل) ؟ 
ومنو البقدر يصل قامتك 
عشان يحجب ضي القنديل ؟ 
ما أْتولد البِصَل حدّك 
ووآ حلم البجيك زاحف 
عشان يصفع خيال 
خدك 
منو الما كاس زمان 
وُدك ؟!
ولمن داااارت الأيام 
قبل وشو دار صدّك. 
بيهم أو بلاهم انت 
زي ما كنت .

( ناي سواي ما حداث )
( سر ضحاك وما بكاي ) 
منحوت من جبال الشِدةّ
 في وادي الألم صوت ناي 
بذرة حرفك الأخضر 
مشاتل في زماني الجايي 
بيهم أو بلاهم 
أْنت زي ما كنت فارسنا 
عبق ما ضاع
 وفي حاضرنا في لمة مجالسنا 
في زمن الوجع والخوف معانا 
وديمه حارسنا .
واقف زي شجرة النيم 
ضُل صفقك موانسنا 
بيهم أو بلاهم أنت زي ما كنت 
مستور حال 
ماسك في دروب الله 
ما باريت خُطا الأندال 
وعايش في قلب شعبك
 في أحسن حال 
بين رمش العيون محفوظ 
وفي مجري الشرايين 
والوريد رَحّال .

بدور أسأل ؟!
منو العشق الوطن زيك ؟
منو النَوّر دروب العتمه 
غير ضيك ؟ 
حبيب الشعب مين زيك ؟؟؟
منو الخلانا نحلم 
( بي زمن مافي ) ؟
نلِم أوجاعنا
 في أحضان قلب صافي 
نفتش للفرح لو غاب 
نترجاهو ما يجافي 
منو العلمنا 
نجبر خاطِراً مكسور ؟
نبني وطن يضم الكل 
نعلي السور 
نشيل من الفتات زادنا 
نعدي بحور .
حبيب الشعب يا غالي 
ما بْكَتّف خُطاك والي 
ولا بكسر جناح قلمك 
قناص من مكان عالي 
ماااا بْنَشِّف مدادو ندِل 
منفوخ قامه متعالي

أصيل قلمك

ما خلاكا
 ( ساعْة الهجرة للمجهول )
وقف صامد كسر بي سنو 
ناب الغول 
كتب غنواتو
 بي عرض الوطن والطول

أصيل قلمك 
يا شمس الضُحا 
الوضاح 
( يا طاير شفق تايه) 
حنين صداح 
يا عطر الشذا الفواح 
يا ليل راجي بكره صباح 
تعال جوه المقل وإرتاح .


خُت في خشمك السكر
 تعال فكَّر 
ليه ساكتين
 وبتكلم لسان حالنا ؟!
واقفين في نِصِل سكين
 مغروسين في أوحالنا ؟
 لافّين الهموم عِمه !!
أطواق الرِقاب ( شالنا)  ؟ 
نَطَرِّز في عباية خوف 
نتلفح سواد فالنا ؟!

خُت في خشمك السكر
 تعال فكِّر 
كيف نتحدا واقعنا ؟
نبتر خطوة الظالم 
من مركز مواقعنا 
نزرع  أمل نحصد 
عشان يتعافا واقعنا 
نقيف نركز 
نشوف تاني البوقِّعنا !!

وتعال 
نخت إيدينا في إيدك 
نَثبَّت للوطن ريدك 
نرفع في سماهو علم 
يرف بي عمق تنهيدك 
حبيب الشعب مد إيدك .

 

 
فارماس ... هو شخصية الشاعر و المغنى
 الذى يرمز للثورة فى مسرحية نبتة حبيبتى
وهو الذى إستطاع أن يغيِّر عادة ذبح الملوك
بالشكل الإنقلابى التى كانت تتم فى
الأسطورة القديمة وفى المسرحية
على السواء...
وهو فى النهاية يرمز إلى الإبداع فى
تغيير الوعى وتفجير الثورة وتغيير
النظم السياسية المستبدة

شـــــــــــرف الكـــــــــلام

أنا المديت شراع أفكاري
  في بحر الزمان تهت
طويت الدنيا بالأفكار
محل ما تميل أكون ملت
من الغالي وعظيم القول
 كتير مديت ايدي شلت
وشان الكلمة شرف الرب
وشان الناس تحس تطرب
وقفت أنادي في الأزمان
طهارة الكلمة في الفنان
وصدق الحرف في صدقو
وحصاد اجيالنا في شتلو
ولو داس الشرف خانو
قلوب الناس تسد الباب
تعاند طبلو والحانو

إحصاءات

زيارات مشاهدة المحتوى : 5082883

المتواجدون حاليا

يوجد حاليا 100 زوار المتواجدين الآن بالموقع
{jatabs type="modules" animType="animMoveHor" style="trona" position="top" widthTabs="120" heightTabs="31" width="100%" height="auto" mouseType="click" duration="1000" module="ja-tabs" }{/jatabs}