انت هنا في: الرئيسية غـــنـــائــيــات تسجيلات صوتية تسجيلات صوتية أمونة الحان وغناء أبوعركى البخيت

موقع الشاعر هاشم صديق

 أمــــــــــــونة

كلمات هاشم صديق  الحان وغناء أبوعركى البخيت

كل البنات أمونه ياخرتوم
مَعَاي ساعة أفتح الدكان
معاي ساعة الدرس بالليل
معاي في البص علي أمدرمان
من الكوبري الكبير في الليل
أعاين في البحر مهموم
ألاقي وجيها شاقّي النيل
وفي ساعة التعب والخوف
تشيل خطواتي وأمشي عديل

دحين خاتي؟!
أكان يا يُمه صبحت نفسي
ساعْة الكتمه
من ضِيق الزمن والناس
وصبحت راحتي
لامن ألقي دمي يفور
تمد إيدينها
تمسح في العصب والراس
أمانة كلامها كان رفرف
وكت ساعة الدرس يابوي
يطير قلمي
ويزغرد سِنـّو في الكراس

 
فارماس ... هو شخصية الشاعر و المغنى
 الذى يرمز للثورة فى مسرحية نبتة حبيبتى
وهو الذى إستطاع أن يغيِّر عادة ذبح الملوك
بالشكل الإنقلابى التى كانت تتم فى
الأسطورة القديمة وفى المسرحية
على السواء...
وهو فى النهاية يرمز إلى الإبداع فى
تغيير الوعى وتفجير الثورة وتغيير
النظم السياسية المستبدة

شـــــــــــرف الكـــــــــلام

أنا المديت شراع أفكاري
  في بحر الزمان تهت
طويت الدنيا بالأفكار
محل ما تميل أكون ملت
من الغالي وعظيم القول
 كتير مديت ايدي شلت
وشان الكلمة شرف الرب
وشان الناس تحس تطرب
وقفت أنادي في الأزمان
طهارة الكلمة في الفنان
وصدق الحرف في صدقو
وحصاد اجيالنا في شتلو
ولو داس الشرف خانو
قلوب الناس تسد الباب
تعاند طبلو والحانو

إحصاءات

زيارات مشاهدة المحتوى : 5097584

المتواجدون حاليا

يوجد حاليا 104 زوار المتواجدين الآن بالموقع
{jatabs type="modules" animType="animMoveHor" style="trona" position="top" widthTabs="120" heightTabs="31" width="100%" height="auto" mouseType="click" duration="1000" module="ja-tabs" }{/jatabs}