انت هنا في: الرئيسية المكتبة المقروءة مقالات وتحليلات سهرة مع الكهرباء

موقع الشاعر هاشم صديق

 سهرة مع الكهرباء

ءانقطع التيار الكهربائي ليلاً ، تمام الساعة الحادية عشر مساء ، والناس في كل أنحاء السودان منكبون علي مشاهدة سهرة غنائية يصدح من خلال الموسيقار محمد وردي بأجمل أغنياته الجديدة والقديمة معاً ، قبل تلك اللحظة بالذات ، كانت مذيعة حسناء تسأل الاستاذ محمد وردي في نهاية ( مُداخلة ) قبل إن يستأنف تقديم اغنياته في السهرة الرائعة
- أستاذ محمد وردي .. كيف تريد أن تري السودان ؟!
واجاب الفنان محمد وردي وعلي شفتيه ابتسامة وردية عريضة
- والله .. أنا .. شخصياً .. داير أشوف السودان كلو أخضر
عند كلمة ( أخضر ) ءانقطع التيار الكهربائي وصرخ الملايين من الناس في جميع أنحاء السودان صرخة احتجاجية موحدة وتطايرت التعليقات الغاضبة والساخرة في جميع بيوت السودان
- وووب علي ... نان وردي قال داير السودان أخضر .. يسوهو أسود؟
- دي حكومة شنو ... مش كفاية ( قطع ) النفس من موقف الاستاد لحدي محل شُغُلنا ؟! كمان ( يقطعوا ) الكهرباء ؟!

- يا ولد .. ءانت مليت برميل المويه ؟! ... يمكن المويه تقطع كمان .. قوم يا زفت
- ءانت يا أبو محمد ما سامع الماسورة تشخر من صلاة العِشا ... الوليد يملأ البرميل شخري ؟!
- أنا اسمع وردي ؟ ... ولا أسمع الماسورة ؟

وفي حي خرطومي راقِ كانت فتاة حنكوشة تجلس بجانب خطيبها وهما يشاهدان السهرة ( باندماج ) شديد .. جاء الخطيب في زيارة سريعة ولكنه تسمر في مكانه وهو يتابع السهرة معها في الحديقة وكان بقية أفراد العـائلة داخـل المنزل فـي ( الصالون ) يشاهدون السهرة ايضاً ... همست الفتاة لخطيبها ، عندما خيم اللون الأسود علي الحديقة ، بصوت متهدج مشبع بالحنين
- الكهرباء قطعت.. ءانتهز الفرصة فقام الخطيب بسرقة موبايلها وهرب في الظلام .

وفي مدينة ملكال كان سانتينو يقول لزوجته ميري
- حسه كهربا ده .. مسؤولية بتاع حركة شعبية ... ولا هكومة وهده وطنية كلو
- هركه شعبية .. ولا هكومة كلو .. كلو.. كلوكلام بس ودُشمان ءانساالله كهربا يضربو كلو .
فجأة عادت الكهرباء ... وصفق السودان كله وصاح فرحاً ، وعاد الارسال التلفزيوني ، وظهر مذيع يعتذر وهو يبتسم
- المشاهدون الأعزاء .. نعتذر عن ءانقطاع الارسال بسبب انقطاع الكهرباء .. ولكنكم تعلمون أن مثل هذه الأشياء هي ابتلاءات من الله سبحانه وتعالي حتي يمحص ايماننا و ...
عندها صاح رجل في ( مروي ) غاضباً
- انتو البجي بى اهمالكم تقولو جا من ربنا .. والسمح البجي من ربنا تقولو سويتوهو ءانتو ؟!!
عادت السهرة من نفس المكان الذي انقطعت فيه ، كانت المذيعة الحسناء تسأل الاستاذ وردي
- استاذ محمد وردي .. كيف تريد أن تري السودان ؟!
ولدهشة المشاهدين في جميع أنحاء السودان – والسهرة كانت مسجلة ، وليست بثاً مباشراً علي الهواء – كان الاستاذ محمد وردي يجيب
- والله .. أنا كنت عاوز أقول .. داير أشوف السودان كلو أخضر ... لكن ... لكن خفت يقطعو الكهربا .

 
فارماس ... هو شخصية الشاعر و المغنى
 الذى يرمز للثورة فى مسرحية نبتة حبيبتى
وهو الذى إستطاع أن يغيِّر عادة ذبح الملوك
بالشكل الإنقلابى التى كانت تتم فى
الأسطورة القديمة وفى المسرحية
على السواء...
وهو فى النهاية يرمز إلى الإبداع فى
تغيير الوعى وتفجير الثورة وتغيير
النظم السياسية المستبدة

شـــــــــــرف الكـــــــــلام

أنا المديت شراع أفكاري
  في بحر الزمان تهت
طويت الدنيا بالأفكار
محل ما تميل أكون ملت
من الغالي وعظيم القول
 كتير مديت ايدي شلت
وشان الكلمة شرف الرب
وشان الناس تحس تطرب
وقفت أنادي في الأزمان
طهارة الكلمة في الفنان
وصدق الحرف في صدقو
وحصاد اجيالنا في شتلو
ولو داس الشرف خانو
قلوب الناس تسد الباب
تعاند طبلو والحانو

إحصاءات

زيارات مشاهدة المحتوى : 5082921

المتواجدون حاليا

يوجد حاليا 102 زوار المتواجدين الآن بالموقع
{jatabs type="modules" animType="animMoveHor" style="trona" position="top" widthTabs="120" heightTabs="31" width="100%" height="auto" mouseType="click" duration="1000" module="ja-tabs" }{/jatabs}