انت هنا في: الرئيسية غـــنـــائــيــات تسجيلات صوتية تسجيلات صوتية كــــلام للحلـــوة - محمــــد الأميـــن

موقع الشاعر هاشم صديق

كــــلام للحلـــوة - محمــــد الأميـــن

 

.
.

 

لما شُفتِك
ليلِى ضَّو وبَقَّ نور
ونرجس الجنه المفرهد
رفّ بى جِنحَات عطور
وغنَّى فارسِك
خَتَّ صورتِك فى الإطار
فى الليالى نَجِم يِلالى

 ونسمه فى وهج النهار

وقال فى وَصفِك لما بنتى
أحلى مِنِّك . برضُه إنتِى
وما فى غيرِك زول معانا
حتى كان يا سمحه غِبتى
ومَرّه جَالَن الف خَاطِر
بى عيون عقلى المسَاهر
فجأه عينيكِ الحبيبه
!قالو سارح وين مِسَافِر؟

عِشتَ قولِن شيل وصَفقَه
وقُلت بس يا ريتنى القى
همسه فى حُلم الأميره
أو سَبَايب فى الضفيرة
أو عِقيد فى تِبرِ جيدها
أو قليب فى راحة ايدها
يا زمان أسمعنى واكتب:
البَرِيدها وريدها سِيدى
وريدِى سِيدَها
الزمان لوحتى بالغ
ما أظِن فى زول يعيدها.
يا حَلاتِك
مره همسه .. ومره نَسمَهومره هَلّت نَجْمه غابت
ومره صَحْوَة غمزه نامت
ومره ضحكه تَرَضِّى شوقنا
ومره كلمه تضِّوى فوقنا
ولمّا نسرح فيكِ قَادلَه
زى ملايكه علينا نازله
بَس نغنى:
يا حلاتكُم يا أهَلنَا
يا مصابيحنا ونجومنا
الضّاويَه فى واحات زَمَنَّا

1971

 

 
فارماس ... هو شخصية الشاعر و المغنى
 الذى يرمز للثورة فى مسرحية نبتة حبيبتى
وهو الذى إستطاع أن يغيِّر عادة ذبح الملوك
بالشكل الإنقلابى التى كانت تتم فى
الأسطورة القديمة وفى المسرحية
على السواء...
وهو فى النهاية يرمز إلى الإبداع فى
تغيير الوعى وتفجير الثورة وتغيير
النظم السياسية المستبدة

شـــــــــــرف الكـــــــــلام

أنا المديت شراع أفكاري
  في بحر الزمان تهت
طويت الدنيا بالأفكار
محل ما تميل أكون ملت
من الغالي وعظيم القول
 كتير مديت ايدي شلت
وشان الكلمة شرف الرب
وشان الناس تحس تطرب
وقفت أنادي في الأزمان
طهارة الكلمة في الفنان
وصدق الحرف في صدقو
وحصاد اجيالنا في شتلو
ولو داس الشرف خانو
قلوب الناس تسد الباب
تعاند طبلو والحانو

إحصاءات

زيارات مشاهدة المحتوى : 2025606

المتواجدون حاليا

يوجد حاليا 130 زوار المتواجدين الآن بالموقع
{jatabs type="modules" animType="animMoveHor" style="trona" position="top" widthTabs="120" heightTabs="31" width="100%" height="auto" mouseType="click" duration="1000" module="ja-tabs" }{/jatabs}